3282 ۔ ابوعبدالرحمن بیان کرتے ہیں : حضرت علی (رض) نے خطبہ دیتے ہوئے ارشاد فرمایا : اے لوگو ! اللہ سے ڈرو، اور تمہارے غلام یاکنیزیں اگر زنا کا ارتکاب کریں تو ان کو (کوڑے) مارو خواہ وہ محصن ہوں یامحصن نہ ہوں کیونکہ نبی کریم (صلی اللہ علیہ وآلہ وسلم) کی ایک کنیز نے اس جرم کا ارتکاب کیا تھا تو نبی کریم نے مجھے حکم دیا تھا میں اسے کوڑے ماروں حضرت علی (رض) فرماتے ہیں : میں اس کنیز کے پاس آیا تو اس کے نفاس (یعنی بچے کو جنم دینے) کو زیادہ وقت نہیں گزرا تھا، مجھے یہ اندیشہ ہوا اگر میں نے اسے کوڑے مارے تو وہ مرجائے گی میں واپس نبی کریم (صلی اللہ علیہ وآلہ وسلم) کی خدمت میں حاضر ہوا اور اس بات کا تذکرہ آپ (صلی اللہ علیہ وآلہ وسلم) سے کیا میں نے عرض کی : اے اللہ کے نبی اگر میں نے اسے ماراتو مجھے اندیشہ ہے وہ مرجائے گی میں اسے رہنے دیا جب تک وہ ٹھیک نہیں ہوجاتی پھرا سے کوڑے ماروں گا، تو نبی کریم نے فرمایا تم نے اچھا کیا۔