3296 ۔ قبیصہ بن ذوہیب بیان کرتے ہیں : حضرت عمر بن خطاب (رض) نے ایک شخص کو سوکوڑے لگوائے جس نے اپنی ایک ایسی کنیز کے ساتھ صحبت کی تھی جو ایک غلام کی بیوی تھی، اور اس غلام نے اسے طلاق نہیں دی تھی ، حضرت عمر (رض) نے ایک ایسے شخص کے بارے میں فیصلہ دیا تھا، جس نے ایک عورت کے بچے (کا اپنی اولاد ہونے) کا پہلے انکار کیا وہ بچہ اس وقت اس عورت کے پیٹ میں تھا، پھر اعتراف بھی کرلیا، وہ بچہ اس وقت بھی اس عورت کے پیٹ میں تھا، جب وہ بچہ پیدا ہوا تو اس شخص نے پھر اس کا انکار کردیا، تو حضرت عمر (رض) نے حکم دیا اس نے عورت پر جو الزام لگایا ہے اس کی سزا میں (حدقذف کے طور پر) اسے اسی کوڑے لگائے جائیں اور حضرت عمر (رض) نے اس بچے کا نسب اس عورت کے ساتھ لاحق کردیا۔