3362 ۔ حضرت انس بن مالک (رض) نبی کریم (صلی اللہ علیہ وآلہ وسلم) کے بارے میں یہ بات نقل کرتے ہیں : آپ (صلی اللہ علیہ وآلہ وسلم) نے ایک ایسی چیز (کی چوری) پر ہاتھ کٹوادیا تھا جس کی قیمت پانچ درہم تھی۔
ابوہلال نامی راوی بیان کرتے ہیں : بعض محدثین نے مجھے یہ بتایا : ابن ابوعروبہ نے اس روایت کو حضرت انس (رض) کے حوالے سے حضرت ابوبکر (رض) سے نقل کیا ہے میری ملاقات بعد میں ہشام سے ہوئی ، میں نے ان کے سامنے اس بات کا تذکرہ کیا تو انھوں نے فرمایا : یہ قتادہ کے حوالے سے ، حضرت انس (رض) کے حوالے سے ، نبی کریم (صلی اللہ علیہ وآلہ وسلم) سے منقول ہے ۔
ابوہلال فرماتے ہیں : اگر یہ حضرت انس (رض) کے حوالے سے نبی کریم (صلی اللہ علیہ وآلہ وسلم) سے منقول نہ ہو تو یہ یا نبی اکرم سے منقول ہے یا حضرت ابوبکر صدیق (رض) سے ہوگی۔