3368 ۔ سیدہ عائشہ صدیقہ (رض) روایت کرتی ہیں نبی کریم (صلی اللہ علیہ وآلہ وسلم) نے ارشاد فرمایا : ڈھال کی قیمت سے کم قیمتی چیز کی چوری پر چور کا ہاٹھ نہیں کاٹا جائے گا۔
سیدہ عائشہ صدیقہ (رض) سے دریافت کیا گیا : ڈھال کی قیمت کیا ہوتی ہے ؟ تو انھوں نے جواب دیا : ایک چوتھائی دینار۔ ایک اور سند کے حوالے سے سیدہ عائشہ کا یہ بیان منقول ہے میں نے نبی کریم (صلی اللہ علیہ وآلہ وسلم) کو یہ ارشاد فرماتے ہوئے سنا ہے ایک چوتھائی دینار یا اس سے زیادہ قیمت والی چیز کی چوری پرچور کا ہاتھ کاٹا جائے گا۔