3385 ۔ حضرت کعب (رض) بیان کرتے ہیں : جو شخص اچھی طرح وضو کرنے کے بعد عشاء کی نماز ادا کرے اور اس کے بعد چار رکعت (نوافل) ادا کرے جن میں رکوع اور سجدے مکمل ادا کرے اور وہ یہ جانتا ہو کہ وہ ان میں کیا پڑھ رہا ہے تو اس کو شب قدر میں یہ رکعات ادا کرنے کا ثواب ملے گا۔
اس روایت کو عطاء نے ایمن کے حوالے سے ، سیع یاتبیع کے حوالے سے نقل کیا ہے۔ ایمن نامی راوی وہی ہیں جنہوں نے نبی کریم (صلی اللہ علیہ وآلہ وسلم) کے بارے میں یہ بات نقل کی ہے (آپ (صلی اللہ علیہ وآلہ وسلم) کے زمانہ اقدس میں) ڈھال کی قیمت ایک دینار تھی، یہ تابعین کے طبقہ سے تعلق رکھتے ہیں انھوں نے نبی کریم (صلی اللہ علیہ وآلہ وسلم) اور آپ (صلی اللہ علیہ وآلہ وسلم) کے بعد آنے والے خلفاء کا زمانہ نہیں پایا۔