3392 ۔ حضرت ابوہریرہ (رض) بیان کرتے ہیں : اسلم قبیلے سے تعلق رکھنے والاشخص نبی کریم (صلی اللہ علیہ وآلہ وسلم) کی خدمت میں حاضر ہوا اس نے چار مرتبہ اپنے بارے میں یہ گواہی دی کہ اس نے ایک عورت کے ساتھ ناجائز تعلق قائم کیا ہے ہر متبہ نبی کریم (صلی اللہ علیہ وآلہ وسلم) سے اس سے منہ پھیرلیا، جب وہ پانچویں مرتبہ آیا تو نبی کریم نے دریافت کیا کیا تم نے اس کے ساتھ صحبت کی ہے ؟ اس نے عرض کی جی ہاں۔ نبی کریم نے دریافت کیا، (اس طرح سے کہ) تمہاری شرمگاہ اس کی شرمگاہ میں یوں داخل ہوگئی جیسے سلائی سرمہ دانی کے اندر چلی جاتی ہے یاڈول کنوئیں کے اندر چلاجاتا ہے اس نے عرض کی جی ہاں۔ نبی کریم نے دریافت کیا کیا تم جانتے ہو زنا کسے کہتے ہیں/اس نے جواب دیا جی ہاں میں نے اس عورت کے ساتھ حرام طریقے سے وہ عمل کیا ہے جو کوئی شخص اپنی بیوی کے ساتھ حلال طور پر کرتا ہے نبی کریم نے دریافت کیا تم اس بات کے ذریعہ کیا چاہتے ہو ؟ اس نے جواب دیا میں یہ چاہتاہوں کہ آپ (صلی اللہ علیہ وآلہ وسلم) مجھے پاک کردیں، تو نبی کریم کے حکم کے تحت اسے سنگسار کردیا گیا۔
نبی کریم (صلی اللہ علیہ وآلہ وسلم) اپنے اصحاب میں دو آدمیوں کو گفتگو کرتے ہوئے سنا ان میں سے ایک نے دوسرے سے یہ کہا بھلا اس شخص کو دیکھو اللہ نے اس کا پردہ رکھا لیکن اس نے خود اسے نہیں رہنے دیا اور اسے کتے کی طرح سنگسار کردیا گیا تو نبی کریم خاموش رہے کچھ دیر کے بعد آپ (صلی اللہ علیہ وآلہ وسلم) کا گزر ایک مردار گدھے کے پاس سے ہواجس کی ایک ٹانگ اوپر کی طرف اٹھی ہوئی تھی نبی کریم نے دریافت کیا : فلاں اور فلاں کہاں ہیں ؟ ان دونوں نے عرض کی یارسول اللہ ہم یہاں ہیں ، نبی کریم نے فرمایا تم دونوں یہاں اترو، تم دونوں نے اس مردار گدھے میں سے اپنے حصے کو گوشت لینا ہے ان دونوں نے عرض کی اے اللہ کی نبی اللہ آپ کی مغفرت کرے، اس کا گوشت کون کھائے گا ؟ نبی کریم نے فرمایا تم نے ابھی تھوڑی دیر پہلے اپنے بھائی کی عزت پر جو حملہ کیا ہے ، وہ مردار کھانے سے زیادہ شدید ہے ، اس ذات کی قسم جس کے دست قدرت میں میری جان ہے وہ شخص اسو قت جنت کی نہروں میں ڈبکیاں لگارہا ہے۔