3396 ۔ حضرت مغیرہ بن شعبہ (رض) بیان کرتے ہیں : ہذیل قبیلے سے تعلق رکھنے والے ایک شخص کی دوبیویاں تھیں ان میں سے ایک نے دوسری کو پتھر مار کر یاشاید خیمہ کی لکڑی مار کر اس کے پیٹ میں موجود بچے کو ضائع کردیا، یہ مقدمہ نبی کریم کی خدمت میں پیش کیا گیا تو آپ نے اس میں تاوان کی ادائیگی کا حکم دیا تو اس (قاتل عورت) کے سرپرست نے کہا : کیا ہم اس کا تاوان ادا کریں گے ؟ جو چیخ مار کر رویا نہیں (یعنی پیدا نہیں ہوا) جس نے کچھ پیا نہیں کچھ کھایا نہیں یا اس کی مانند الفاظ نقل کیے تو نبی کریم نے ارشاد فرمایا کیا تم دیہاتیوں کی طرح مقفع مسجع گفتگو کررہے ہو ؟ راوی کہتے ہیں نبی کریم نے اس عورت کے رشتے داروں پر تاوان کی ادائیگی کو لازم قرار دیا۔