3400 ۔ حضرت ابن عباس (رض) فرماتے ہیں : بنی اسرایئل میں قصاص کا حکم تھا، ان میں دیت کا حکم نہیں تھا، تو اللہ نے اس امت سے یہ فرمایا :
'' مقتولین کے بارے میں تم پر قصاص کا حکم مقرر کیا گیا ہے ، آزاد کے بدلے میں آزاد کو غلام کے بدلے میں غلام کو عورت کے بدلے میں عورت کو قتل کردیا جائے گا، اور جس شخص کی اپنے بھائی کی طرف سے معاف کردیا جائے ۔ ''
یہاں معاف کرنے سے مراد یہ ہے کہ دوسرا شخص قتل عمد کے مقدمے میں دیت قبول کرنے پر تیار ہوجائے۔ ارشاد باری تعالیٰ ہے): یہ تمہارے پروردگار کی طرف سے تخفیف ہے ۔
یعنی یہ اس حکم کے مقابلے میں تخفیف ہے جو تم سے پہلے لوگوں پر عائد کیا گیا تھا تو اللہ تعالیٰ نے تمہیں اس کے حوالے سے تخفیف عطا کی ہے تمہارے پروردگار کی طرف سے تمہیں یہ تخفیف ملی ہے تم قتل عمد کے مقدمے میں دیت لے لو۔ (اس نے فرمایا) تو تم مناسب طریقہ سے پیروی کرو، یعنی مناسب طریقہ سے اس کے پیچھے جاؤ اور احسان کے ساتھ اسے ادا کرو۔