3412 ۔ عروہ بیان کرتے ہیں : جب مروان بن حکم مدینہ منورہ کا گورنر تھا، اس کے سامنے ایک ایسے شخص کو لایا گیا جو بچے کو اٹھا کرلے جاتا تھا، اور کسی دوسری جگہ پر انھیں فروخت کردیتا تھا، اس شخص کے بارے میں مروان نے لوگوں سے مشورہ کیا تو عروہ بن زبیر نے سیدہ عائشہ صدیقہ کے حوالے سے یہ بات بتائی نبی کریم کی خدمت میں ایک ایسے شخص کو لایا گیا جو بچے کو اٹھا کرلے جاتا تھا اور انھیں دوسری جگہ فروخت کردیتا تھا، تو نبی کریم کے حکم کے تحت اس کا ہاتھ کاٹا گیا۔
بچے چوری کرنے والے کے بارے میں مروان نے بھی یہی حکم دیا اور اس شخص کا ہاتھ بھی کاٹ دیا گیا۔ عبداللہ بن محمد اس روایت کو ہشام سے نقل کرنے میں منفرد ہیں اور انھوں نے ہشام کے حوالے سے (رویات نقل کرنے میں ) بہت غلطیاں کی ہیں یہ منکرالحدیث ہیں۔