3415 ۔ حضرت صفوان بن امیہ (رض) بیان کرتے ہیں : میں مسجد میں اپنی چادر پر سویا ہوا تھا اس چادر کی قیمت تیس درہم تھی ایک شخص آیا اس نے میرے نیچے سے اسے نکال لیا، (اور چوری کرنے کی کوشش کی) اسے پکڑ لیا گیا اور نبی کریم (صلی اللہ علیہ وآلہ وسلم) کی خدمت میں پیش کیا گیا ، نبی کریم نے اس کا ہاتھ کاٹنے کا حکم دیا، میں آپ (صلی اللہ علیہ وآلہ وسلم) کی خدمت میں حاضر ہوا اور عرض کی کیا آپ تیس درہم کی وجہ سے اس کا ہاتھ کاٹ دیں گے میں یہ اسے فروخت کرتا ہوں اور اس کی قیمت کا ادھارکرلیتاہوں (یعنی وہ بعد میں وصول کروں گا) نبی کریم نے فرمایا تم نے اسے میرے پاس لانے سے پہلے ایساکیوں نہیں کیا ؟۔