3430 ۔ ابوبکر بن محمد بیان کرتے ہیں : جب نبی کریم (صلی اللہ علیہ وآلہ وسلم) نے حضرت عمرو بن حزم کو، نجران، بھیجا تو آپ کے مکتوب میں یہ بھی تحریر تھا :
'' ہر دانت کی دیت پانچ اونٹ ہوگی، سب انگلیوں کی دیت، دس، دس اونٹ ہوگی، کان کی دیت ، پچاس اونٹ ہوگی، آنکھ کی دیت پچاس اونٹ ہوگی، پاؤں کی دیت پچاس اونٹ ہوگی، اگر ناک کوہان سے سے (یعنی پورے ناک کو) کاٹ دیا جائے تو اس میں مکمل دیت ہوگی، مامومہ ، زخم ، میں جان کی دیت کا تہائی حصہ دینا ہوگا، اور، جائفہ، کی دیت میں جان کی دیت کا تہائی حصہ دینا ہوگا۔