3432 ۔ عبداللہ بن ابوبکر اپنے والد کے حوالے سے اپنے دادا کا یہ بیان نقل کرتے ہیں : نبی کریم (صلی اللہ علیہ وآلہ وسلم) نے انھیں (خط لکھایا تحریر کروا کردیا):
'' موضحہ '' زخم میں پانچ اونٹوں کی ادائیگی لازم ہوگی، مامومہ، میں ایک تہائی دیت لازم ہوگی، منقلہ، میں پندرہ اونٹوں کی ادائیگی لازم ہوگی، آنکھ میں پچاس اونٹوں کی ادائیگی لازم ہوگی، جب ناک کوہان سے سے کاٹ دیا جائے تو اس میں مکمل دیت کی ادائیگی لازم ہوگی، دانت کی دیت پانچ اونٹ ہوگی، پاؤں کی پچاس اونٹ ہوگی، ہاتھ اور پاؤں کی تمام انگلیوں میں سے ہر ایک کی دیت دس دس اونٹ ہوگی۔