3434 ۔ حضرت ابوموسی اشعری (رض) بیان کرتے ہیں نبی کریم (صلی اللہ علیہ وآلہ وسلم) نے انگلیوں میں دیت دس دس کی ادائیگی کا فیصلہ دیا تھا۔ نضر نامی راوی نے اپنی روایت میں یہ الفاظ نقل کیے ہیں نبی کریم (صلی اللہ علیہ وآلہ وسلم) نے انگلیوں میں دس دس اونٹوں کی ادائیگی کا فیصلہ دیا تھا۔ سعید نے غالب کے حوالے سے حمید سے اسی طرح نقل کیا ہے ۔
شعبہ نے اسماعیل ، علی اور خالد نے اس سے مختلف نقل کیا ہے انھوں نے غالب کے حوالے سے ، مسروق کے حوالے سے حضرت ابوموسی اشعری (رض) کے حوالے سے نبی کریم (صلی اللہ علیہ وآلہ وسلم) سے حدیث نقل کی ہے انھوں نے حمید نامی راوی کا ذکر نہیں کیا۔
شعبہ نے اس میں یہ ذکر کیا ہے غالب نے مسروق سے احادیث کا سماع کیا ہے۔