3453 ۔ حضرت عبادہ بن صامت (رض) بیان کرتے ہیں : نبی کریم (صلی اللہ علیہ وآلہ وسلم) نے ہم سے فرمایا : تم اس بات پر میری بیعت کرو تم کسی کو اللہ کا شریک قرار نہیں دو گے تم چوری نہیں کرو گے ، تم زنا نہیں کرو گے تم اپنی اولاد کو قتل نہیں کرو گے تم کسی پر زنا کا جھوٹا الزام نہیں لگاؤ گے تم بھلائی کے کام میں میری نافرمانی نہیں کرو گے۔
تم میں سے جو شخص اس (عہد کو) پورا کرے گا، اس کا اجر اللہ تعالیٰ کے ذمہ ہوگا، جو شخص ان میں سے کسی جرم کا ارتکاب کرلے اور اسے سزا دے دی جائے تو یہ اس کے لیے کفارہ ہوگی، اور اگر کوئی شخص کسی جرم کا ارتکاب کرے اور اللہ تعالیٰ اس کا پردہ رکھ لے تو اب اس کا معاملہ اللہ کے سپرد ہوگا، اگر وہ چاہے گا تو (آخرت میں) اسے سزا دے گا اور اگر چاہے گا تو اسے معاف کردے گا۔