3474 ۔ عبدالرحمن بن سلیمان اپنے پھوپھی سکینہ بنت حنطلہ کا بیان نقل کرتے ہیں : امام حمد الباقر (رض) نے میرے ہاں اندر آنے کی اجازت مانگی ، اس وقت میرے شوہر کے انتقال کی عدت نہیں گزری تھی انھوں نے فرمایا : تم نبی کریم (صلی اللہ علیہ وآلہ وسلم) کے ساتھ میرے رشتے سے اور حضرت علی (رض) کے ساتھ میرے رشتے اور عربوں کے درمیان میری حیثیت سے واقف ہو (میں تمہارے ساتھ شادی کرنا چاہتاہوں) میں نے کہا : اے ابوجعفر ، اللہ آپ کی مغفرت کرے، آپ سے استفادہ کیا جاتا ہے ، اور آپ میری عدت کے دوران مجھے نکاح کا پیغام دے رہے ہیں، تو امام باقر (رض) نے فرمایا، میں نے نبی کریم (صلی اللہ علیہ وآلہ وسلم) کے ساتھ اور حضرت علی (رض) کے ساتھ اپنے رشتے کے بارے میں تمہیں بتایا، جب نبی کریم (صلی اللہ علیہ وآلہ وسلم) ام سلمہ (کو نکاح کا پیغام دینے کے لیے ) ان کے پاس تشریف لے گئے تھے وہ اس وقت حضرت ابوسلمہ (رض) (کے انتقال کے بعد بیویگی کی) عدت گزار رہی تھیں، نبی کریم (صلی اللہ علیہ وآلہ وسلم) نے یہ فرمایا تھا، (اے ام سلمہ) تم جانتی ہو میں اللہ کا رسول ہوں اور اس کا برگزیدہ ہوں میری قوم میں میری حیثیت جو ہے (تم اس سے واقف ہو) ۔ نبی کریم کے پیغام نکاح کے الفاظ یہ تھے (اور میں بھی یہی الفاظ استعمال کیے ہیں) ۔