3495 ۔ نافع بیان کرتے ہیں : حضرت عبداللہ بن عمر (رض) نے حضرت عثمان بن مظعون کے انتقال کے بعد ان کی صاحبزادی زینب بنت عثمان کے ساتھ شادی کرلی یہ نکاح اس لڑکی کے چچا حضرت قدامہ نے کروایا، حضرت مغیرہ بن شعبہ نے انھیں زیادہ مہر کی پیشکش کی تو اس لڑکی کی والدہ نے اس لڑکی سے کہا، تم (اپنے چچا کے کیے ہوئے نکاح کو) برقرار نہ رکھو، اس لڑکی نے (ابن عمر (رض)) کے ساتھ نکاح کو پسند نہیں کیا تھا، پھر اس لڑکی اور اس کی والدہ نے نبی کریم (صلی اللہ علیہ وآلہ وسلم) کو اس بارے میں بتایا، تو آپ (صلی اللہ علیہ وآلہ وسلم) نے اس نکاح کو کالعدم قرار دیا، بعد میں حضرت مغیرہ بن شعبہ (رض) نے اس لڑکی کے ساتھ شادی کرلی۔