3500 ۔ حضرت ابوہریرہ (رض) بیان کرتے ہیں : سیدہ خنساء بنت خذام (رض) کے والد نے اس کی شادی کردی (اس شوہر کو) وہ خاتون ناپسند کرتی تھیں، وہ نبی کریم کی خدمت میں حاضر ہوئی اور آپ (صلی اللہ علیہ وآلہ وسلم) کے سامنے اس کا بات کا تذکرہ کیا، تو نبی کریم نے اس کے نکاح کو کالعدم قرار دیا۔ پھر حضرت ابولبابہ بن عبدالمنذر نے اس کے ساتھ شادی کی ، اور اس کے ہاں حضرت ابولبابہ کے صاحبزادے ، سائب، پیدا ہوئے، وہ خاتون ثیبہ (بیوہ یا مطلقہ) تھی۔