3509 ۔ حضرت ابن عباس (رض) بیان کرتے ہیں : نبی کریم (صلی اللہ علیہ وآلہ وسلم) نے ایک کنواری لڑکی اور ایک ثیبہ عورت دونوں کے نکاح کو کالعدم قرار دیا تھا، ان کے والد نے ان دونوں کی شادی کی تھی ان دونوں کو (یہ رشتے) پسند نہیں تھے، تو نبی کریم نے ان کے نکاح کو کالعدم قرار دیا۔ شیخ فرماتے ہیں : اسے نقل کرنے میں ذماری نامی راوی کو وہم ہوا ہے وہ اس سند کے ساتھ اسے نقل کرنے میں منفرد ہیں۔ صحیح یہ ہے روایت یحییٰ بن ابوکثیر کے حوالے سے مہاجربن عکرمہ کے حوالے سے ، نبی کریم (صلی اللہ علیہ وآلہ وسلم) سے مرسل روایت کے طور پر منقول ہے۔