3569 ۔ عمرو بن شعیب اپنے والد کے حوالے سے ، اپنے دادا کا یہ بیان نقل کرتے ہیں : نبی کریم (صلی اللہ علیہ وآلہ وسلم) نے ارشاد فرمایا ہے : نبی کریم (صلی اللہ علیہ وآلہ وسلم) نے اپنی صاحبزادی سیدہ زینب (رض) کا حضرت ابوالعاص بن ربیع (رض) کے ساتھ دوبارہ نکاح پڑھوایا تھا۔
یہ روایت ثابت نہیں ہے ، حجاج نامی راوی (کی نقل کردہ روایت کو دلیل کے طور پر پیش نہیں کیا جاسکتا۔ درست روایت وہ ہے جسے حضرت ابن عباس (رض) نے نقل کیا ہے : نبی کریم (صلی اللہ علیہ وآلہ وسلم) نے سابقہ نکاح کی بنیاد پر ہی سیدہ زینب (رض) کو (ان کے شوہر کے پاس ) بھیج دیا تھا۔ امام مالک نے زہری کے حوالے سے ، صفوان بن امیہ کے واقعہ میں اسے نقل کیا ہے۔