3573 ۔ ابوزبیر بیان کرتے ہیں : حضرت ثابت بن قیس (رض) کی شادی زینب بنت عبداللہ سے ہوئی ، حضرت ثابت نے اس خاتون کو مہر کے طور پر ایک باغ دیا تھا، وہ خاتون انھیں پسند نہیں کرتی تھی، نبی کریم (صلی اللہ علیہ وآلہ وسلم) نے دریافت کیا اس نے جو باغ تمہیں دیاتھاکیاتم اسے واپس کرنے کے لیے تیار ہو ؟ اس خاتون نے عرض کی جی ہاں۔ (میں اس کے ساتھ) مزید بھی دے سکتی ہوں ، نبی کریم (صلی اللہ علیہ وآلہ وسلم) نے ارشاد فرمایا، مزید ادائیگی کی ضرورت نہیں صرف اس باغ کو واپس کردو۔ اس خاتون نے عرض کی ٹھیک ہے ، تو نبی کریم (صلی اللہ علیہ وآلہ وسلم) نے حضرت ثابت (رض) بیان کرتے ہیں : کو باغ واپس ملنے اور عورت کو طلاق ہونے کا فیصلہ دیا، جب اس کی اطلاع حضرت ثابت بن قیس (رض) کو ملی تو انھوں نے کہا میں نبی کریم (صلی اللہ علیہ وآلہ وسلم) کے فیصلے کو تسلیم کرتا ہوں۔