3610 ۔ عروہ بن زبیر بیان کرتے ہیں : انھوں نے سیدہ عائشہ صدیقہ سے اللہ کے اس فرمان کے بارے میں دریافت کیا :
'' اور اگر تمہیں اس بات کا اندیشہ ہو کہ تم یتیم لڑکیوں کے بارے میں انصاف سے کام نہیں لے سکو گے تو تمہیں جو خواتین پسند ہوں دویاتین یا چار ان کے ساتھ شادی کرلو۔ ''
سیدہ عائشہ صدیقہ (رض) نے فرمایا : اے میرے بھتیجے اس سے مراد وہ یتیم لڑکی ہے جو کسی شخص کی زیر پرورش ہوتی تھی وہ لڑکی اس کے مال میں اس کی شریک ہوتی تھی، تو اس شخص کو اس لڑکی کے مال اور خوبصورتی میں دل چسپی ہوتی تو ولی اس لڑکی کے ساتھ شادی کرنا چاہتا تھا، تاکہ اسے مہر کے طور پر انصاف کے مطابق ادائیگی نہ کرنا پڑے۔ وہ (انصاف کے مطابق یعنی عام رواج سے کم) مہر ادا کرتا۔ تو لوگوں کو اس بات سے منع کردیا گیا کہ وہ اس طرح ان لڑکیوں کے ساتھ شادی کریں یاپھریہ ہے کہ وہ انصار سے انھیں مہراد اکریں ان لوگوں کو یہ حکم دیا گیا کہ وہ دوسری خواتین کے ساتھ شادی کرلیں جوا نہیں پسند آتی ہیں۔
عروہ بیان کرتے ہیں : سیدہ عائشہ (رض) نے یہ بتایا : اس آیت کے بعد لوگوں نے اس بارے میں مختلف سوالات کیے تو اللہ تعالیٰ نے یہ آیت نازل کی :
'' لوگ تم سے خواتین کے بارے میں دریافت کرتے ہیں : تم فرمادو، ان کے بارے میں اللہ تعالیٰ تمہیں حکم دیتا ہے اور یتیم لڑکیوں کے بارے میں کتاب کے جو احکام تلاوت کیے گئے ہیں جن یتیم لڑکیوں کو تم وہ چیز ادا نہیں کرتے جوان کے لیے مقرر کی گئی ہے اور تم ان کے ساتھ نکاح کرنے میں دل چسپی رکھتے ہو۔ ''
اللہ نے یہاں جو یہ بات ذکر کی ہے کہ کتاب اللہ کی جو آیات تمہارے سامنے تلاوت کی گئی ہیں اس سے مراد پہلے والی آیت ہے۔ اللہ تعالیٰ نے ارشاد فرمایا ہے :'' اور اگر تمہیں اس بات کا اندیشہ ہو کہ تم یتیم لڑکیوں کے بارے میں انصاف سے کام نہیں لے سکو گے تو جو خواتین تمہیں اچھی لگتی ہیں۔ ''
سیدہ عائشہ صدیقہ (رض) فرماتی ہیں : دوسری آیت میں اللہ تعالیٰ کا یہ فرمان : وترغبوھن ان تنکحوھن۔
سیدہ عائشہ صدیقہ (رض) فرماتی ہیں لوگوں کو اس بات سے منع کردیا گیا کہ انھیں جن یتیم لڑکیوں کے مال اور خوبصورتی میں دل چسپی ہوتی ہے وہ ان کے ساتھ اسی وقت شادی کرسکتے ہیں : جب وہ انصاف کے مطابق انھیں ادائیگی کریں ، اس کی وجہ یہ تھی کہ اگر ایسی لڑکیاں تھوڑے مال یا کم خوبصورتی کی مالک ہوتیں تو ان سرپرستوں نے ان میں دل چسپی نہیں لینی تھی۔