3653 ۔ حضرت عبداللہ بن جعفر (رض) بیان کرتے ہیں : میں نبی کریم (صلی اللہ علیہ وآلہ وسلم) کے پاس موجود تھا جب آپ (صلی اللہ علیہ وآلہ وسلم) نے عویمر عجلانی اور اس کی اہلیہ کے درمیان لعان کروایا، نبی کریم (صلی اللہ علیہ وآلہ وسلم) جب تبوک سے واپس تشریف لائے تو عویمر نے اس عورت کے پیٹ میں موجود حمل (کا اپنی اولاد ہونے کا) کا انکار کردیا اور یہ بولا یہ ابن سحماء کی اولاد ہے تو نبی کریم (صلی اللہ علیہ وآلہ وسلم) نے ارشاد فرمایا تم اپنی بیوی کو لے کر آؤ، تم دونوں کے بارے میں قرآن کا حکم نازل ہوچکا ہے۔ نبی کریم نے عصر کی نماز کے بعد منبر کے قریب اس حمل کے بارے میں ان دونوں سے لعان کروایا۔