3669 ۔ قبیصہ بن ذوئب بیان کرتے ہیں : حضرت عثمان غنی (رض) سے ایسی دو بہنوں کے بارے میں دریافت کیا گیا جو کسی کی ملکیت میں ہوں تو حضرت عثمان نے فرمایا تمہیں ہدایت بھی نہیں کروں گا کہ اور تمہیں منع بھی نہیں کروں گا کیونکہ ایک آیت انھیں حلال قرار دیتی ہے اور ایک آیت انھیں حرام قرار دیتی ہے۔ وہ سائل وہاں سے باہرنکلا تو اس کی ملاقات ایک صحابی سے ہوئی۔
معمر نامی راوی نے یہ بات بیان کی ہے : میرا خیال ہے وہ حضرت علی (رض) تھے ، انھوں نے دریافت کیا تم نے حضرت عثمان سے کس چیز کے بارے میں سوال کیا تھا، ؟ اس شخص نے اپنے سوال کے بارے میں بتایا اور ان کے جواب کے بارے میں بھی بتایا، تو حضرت علی (رض) نے اس سے فرمایا : میں تمہیں منع کروں گا اگر میرا تم پر کوئی (سرکاری تسلط) ہو اور پھر تم اس کا ارتکبا کروتو میں تمہیں سزادوں گا۔