3752 ۔ عمرو بن شعیب اپنے والد کے حوالے سے اپنے دادا کا یہ بیان نقل کرتے ہیں : ایک خاتون نبی کریم (صلی اللہ علیہ وآلہ وسلم) کی خدمت میں حاضر ہوئی اور بولی : یہ میرا بیٹا ہے میرا پیٹ اس کے لیے برتن تھا، میری گود اس کے لیے پناہ گاہ تھی میری چھاتی اس کے لیے سیرابی کا ذریعہ تھی، اور اب اس کا باپ اسے مجھ سے جدا کرنا چاہتا ہے ، نبی کریم (صلی اللہ علیہ وآلہ وسلم) نے فرمایا ، ایسا نہیں ہوسکتا تم (اس کی پرورش) کی زیادہ حق دار ہو، جب تک تم (دوسری شادی) نہیں کرلیتی۔