سالم نے حضرت عبداللہ بن عمر (رض) کے حوالے سے، انھوں نے حضرت عمر (رض) کے حوالے سے، حضرت ابوبکر (رض) کا یہ بیان نقل کیا ہے : ایک مرتبہ میں نبی اکرم (صلی اللہ علیہ وآلہ وسلم) کے پاس بیٹھا ہوا تھا، اسی دوران ایک شخص آیا۔
ایک اور روایت میں یہ بات منقول ہے، سالم نے حضرت عبداللہ بن عمر (رض) کے حوالے سے ، حضرت ابوبکر (رض) اور حضرت عمر (رض) سے یہ روایت نقل کی ہے، جو نبی اکرم (صلی اللہ علیہ وآلہ وسلم) کے بارے میں ہے۔ راوی بیان کرتے ہیں : ایک مرتبہ ایک شخص آیا، جس نے وضو کیا تھا اور اس نے اپنے پاؤں کی پشت کا کچھ حصہ، جو اس کے پاؤں کے ناخن کے انگوٹھے جتنا تھا، اس تک پانی نہیں پہنچایا تھا (یعنی وہ حصہ وضو میں خشک رہ گیا تھا) تو نبی اکرم (صلی اللہ علیہ وآلہ وسلم) نے ارشاد فرمایا : تم واپس جاؤ اور اپنے وضو کو مکمل کرو ! تو اس شخص نے ایسا ہی کیا۔
اس حدیث کا مفہوم ایک دوسرے کے قریب ہے، اس کا یک راوی وازع بن نافع علم حدیث میں ضعیف قرار دیا گیا ہے۔