3772 ۔ امام جعفر صادق (رض) اپنے والد (حضرت امام باقر (رض)) کے حوالے سے اپنے دادا (امام زین العابدین (رض)) کے حوالے سے امام حسین (رض) کا یہ بیان نقل کرتے ہیں : حضرت علی (رض) ایسے شخص کے بارے میں جس نے کوئی کنیز خریدی، اس کے ساتھ صحبت کی ، پھرا سے کنیز میں موجود کسی عیب کا پتہ چلا یہ فرماتے ہیں وہ کنیز اس شخص کے پاس رہے گی، اور اس کی قیمت میں سے اس عیب کے حساب سے کمی کردی جائے گی۔
حضرت علی (رض) فرماتے ہیں : اگر حکم اسی طرح ہوجی سے بعض لوگ کہتے ہیں تو وہ شخص اس عورت کو واپس کرے گا، اور اس کے ساتھ عقر (شبہ کے طور پر وطی کرنے کی صورت میں ادا کیا جانے والامعاوضہ بھی ادا کرے گا تو یہ اجارہ کے مشابہ ہوجائے گا تو یہ اس طرح ہوگا جیسے اس نے جب اس کنیز کے ساتھ صحبت کی اس وقت وہ اس عیب کو دیکھ چکا تھا اور پھر اس نے (اس کے معاوضے کے طورپر) عقر ادا کردیا، لیکن (حکم یہی ہے ) جب وہ اس کنیز کے ساتھ صحبت کرلے گا تو وہ کنیز اس کی ہوجائے گی اور عیب کے حساب سے اس کی قیمت کم کردی جائے گی۔