3795 ۔ حضرت ابن عباس (رض) بیان کرتے ہیں ، ایک شخص نے اپنی اہلیہ کے ساتھ ظہار کیا، پھر انھوں نے چاندنی رات میں اس عورت کی پنڈلی کی چمک دیکھی تو (خود پر قابو نہ پاسکے) اور اس کے ساتھ صحبت کرلی، پھر وہ نبی کریم (صلی اللہ علیہ وآلہ وسلم) کی خدمت میں حاضر ہوئے اور آپ (صلی اللہ علیہ وآلہ وسلم) کو بتایا تو آپ (صلی اللہ علیہ وآلہ وسلم) نے ارشاد فرمایا کہ کیا تم نے اللہ کا یہ فرمان نہیں سنا :
'' ان دونوں کے ایک دوسرے کے ساتھ صحبت کرنے سے پہلے (کفارہ ادا کرنا ہوگا) ۔ (نبی کریم (صلی اللہ علیہ وآلہ وسلم) نے فرمایا) اب جب تک تم کفارہ ادا نہیں کرتے اپنی بیوی کے ساتھ صحبت نہ کرنا۔