3839 ۔ نافع بیان کرتے ہیں : حضرت عبداللہ بن عمر (رض) نے اپنی اہلیہ کو اس کے حیض کے دوران ایک طلاق دے دی تھی، حضرت عمر (رض) نبی کریم (صلی اللہ علیہ وآلہ وسلم) کی خدمت میں حاضر ہوئے اور آپ کو اس بارے میں بتایا، تو نبی کریم (صلی اللہ علیہ وآلہ وسلم) نے ان سے فرمایا، تم عبداللہ سے یہ کہو کہ وہ اس عورت سے رجوع کرلے ، جب وہ عورت غسل کرلے ، (یعنی پاک ہوجائے) تو وہ اسے یوں ہی رہنے دے ، یہاں تک کہ (اگلی مرتبہ) اسے حیض آجائے پھر جب وہ اگلے حیض سے غسل کرلے (یعنی پاک ہوجائے) تو وہ اس عورت سے صحبت کرنے سے پہلے اسے طلاق دیدے اگر وہ اسے اپنے ساتھ رکھناچا ہے تو اپنے ساتھ رکھے یہ وہ طریقہ ہے جس کے بارے میں اللہ نے یہ حکم دیا ہے اس کے مطابق عورتوں کو طلاق دی جائے۔
عبیداللہ بیان کرتے ہیں : حضرت عبداللہ بن عمر نے اس خاتون کو اس کے حیض کے دوران ایک طلاق دی تھی، البتہ انھوں نے سنت طریقہ کے برعکس طلاق دی تھی۔