3843 ۔ محمد بن سیرین بیان کرتے ہیں : بیس سال پہلے مجھے ایک مستند راوی نے یہ حدیث سنائی : حضرت عبداللہ بن عمر نے اپنی بیوی کو اس کے حیض کے دوران تین طلاقیں دیں تھیں تو انھیں اس عورت سے رجوع کرنے کا حکم دیا گیا۔
میں اس روایت کو مستند سمجھتارہا، انھوں نے مجھے یہ بات بتائی : انھوں نے حضرت عبداللہ بن عمر سے اس بارے میں دریافت کیا تھا، تو حضرت عبداللہ نے انھیں بتایا تھا انھوں نے اپنی بیوی کو اس کے حیض کے دوران ایک طلاق دی تھی، تو انھیں اس عورت سے رجوع کرنے کا حکم دیا گیا تھا، ابو غلاب بیان کرتے ہیں : میں نے حضرت عبداللہ سے دریافت کیا کیا اس طلاق کو شمار کیا تھا ؟ تو حضرت عبداللہ نے فرمایا کیوں نہیں، کیا وہ عاجز تھا ؟۔