3845 ۔ نافع بیان کرتے ہیں : حضرت عبداللہ بن عمر ض نے اپنی اہلیہ کو جب وہ حیض کی حالت میں تھی ایک طلاق دے دی ، حضرت عمر نے نبی کریم (صلی اللہ علیہ وآلہ وسلم) سے یہ مسئلہ دریافت کیا تو نبی نے انھیں یہ ہدایت کی وہ اس عورت سے رجوع کرلے اور اس وقت تک اسے روکے رکھیں جب تک وہ پاک ہونے کے بعد دوبارہ حائضہ نہیں ہوجاتی ، پھر مزید انتظار کریں جب وہ پاک ہوجائے تو اس کے ساتھ صحبت کرنے سے پہلے (اسے طلاق دے ) یہ وہ طریقہ ہے جس کے بارے میں اللہ نے یہ حکم دیا ہے اس کے مطابق عورتوں کو طلاق دی جائے۔