3848 ۔ نافع بیان کرتے ہیں : نبی کریم (صلی اللہ علیہ وآلہ وسلم) کے زمانہ اقدس میں حضرت عبداللہ بن عمر نے اپنی اہلیہ کو ایک طلاق دی وہ خاتون اس وقت حیض کی حالت میں تھی، حضرت عمر نے اس بات کا ذکر نبی کریم (صلی اللہ علیہ وآلہ وسلم) سے کیا، (اس کے بعد انھوں نے حسب سابق حدیث ذکر کی ہے) ۔
ابن ابی ذئب نامی راوی نے روایت میں یہ الفاظ نقل کیے ہیں : وہ ایک طلاق تھی (نبی کریم نے فرمایا) یہ وہ طریقہ ہے جس کے بارے میں اللہ نے یہ حکم دیا ہے ، خواتین کو اس کے مطابق طلاق دی جائے۔