3860 ۔ عمرو بن مرہ بیان کرتے ہیں : میں نے ماہان کو سعید بن جبیر سے ایسے شخص کے بارے میں دریافت کرتے ہوئے سناجو اپنی بیوی کو تین طلاقیں دے دیتا ہے ، تو سعید نے بتایا، حضرت عبداللہ بن عباس سے ایسے شخص کے بارے میں دریافت کیا گیا جو اپنی بیوی کو ایک سوطلاقیں دے دیتا ہے ، تو حضرت عبداللہ نے فرمایا، تین طلاقوں کے ذریعہ تمہاری بیوی تمہارے لیے حرام ہوجائے گی اور بقیہ (تمہارے لیے ) بوجھ بن جائیں گی کیونکہ تم نے اللہ کی آیات کا مذاق اڑایا ہے۔