3879 ۔ حضرت علی (رض) بیان کرتے ہیں : نبی کریم (صلی اللہ علیہ وآلہ وسلم) نے ایک شخص کو (یا ایک شخص کے بارے میں ) سنا اس نے اپنی بیوی کو طلاق بتہ دیدی ، تو آپ (صلی اللہ علیہ وآلہ وسلم) غصہ میں آگئے آپ نے فرمایا تم لوگ اللہ کی آیات کا مذاق اڑاتے ہو۔
(راوی کو شک ہے شاید یہ الفاظ ہیں) اللہ کے دین (کے احکام) سے کھیل کود کرتے ہو جو شخص طلاق بتہ دے گا ہم اس کی تین طلاقوں کو لازم قرار دیں گے اور وہ عورت اس شخص کے لیے اس وقت تک حلال نہ ہوگی جب تک دوسری شادی (کرنے کے بعد بیوہ یا مطلقہ) نہ ہوجائے۔
اسماعیل بن ابوامیہ نامی راوی کو فی ہیں اور ضعیف الحدیث ہیں۔