3894 ۔ ابواسحاق بیان کرتے ہیں : میں اسود بن یزید کے ساتھ بڑی مسجد میں بیٹھا ہوا تھا، ہمارے ساتھ شعبی بھی موجود تھے ، شعبی نے سیدہ فاطمہ بنت قیس (رض) کے حوالے سے یہ حدیث سنائی کہ نبی کریم (صلی اللہ علیہ وآلہ وسلم) نے انھیں رہائش اور خرچ کا حق نہیں دیا تھا، تو اسود نے مٹھی میں کنکریاں پکڑ کر شعبی کے مارتے ہوئے کہا، تمہارا ستیاناس ہو، تم اس طرح کی روایتیں سنا رہے ہو جبکہ حضرت عمر (رض) نے یہ فرمایا ہے : ہم اللہ کی کتاب اور اپنے نبی کریم (صلی اللہ علیہ وآلہ وسلم) کی سنت کے حکم کو کسی عورت کے بیان کی وجہ سے ترک نہیں کریں گے ، کیونکہ ہمیں یہ نہیں معلوم کہ اس عورت کو (اصل بات ) یاد وہ بھول گئی ہے ایسی (تین طلاق یافتہ) عورت کو رہائش اور خرچ ملے گا، کیونکہ اللہ نے ارشاد فرمایا ہے : تم ان عورتوں کو ان کے گھروں سے نہ نکالو اور نہ ہی وہ خود نکلیں ، ماسوائے اس صورت کے ، کہ وہ واضح برائی کا ارتکاب کریں۔