3902 ۔ نافع بیان کرتے ہیں : حضرت عبداللہ بن عمر (رض) نے نبی کریم (صلی اللہ علیہ وآلہ وسلم) کے زمانہ اقدس میں اپنی اہلیہ کو ایک طلاق دیدی وہ خاتون اس وقت حیض کی حالت میں تھی حضرت عمر (رض) نے نبی کریم (صلی اللہ علیہ وآلہ وسلم) سے اس کا حکم دریافت کیا تو آپ نے فرمایا ، اس سے کہو کہ اس عورت سے رجوع کرلے (اس کے بعد راوی نے حسب سابق حدیث ذکر کی ہے ) ۔
اس روایت میں یہ الفاظ ہیں : حضرت عبداللہ بن عمر (رض) ایسے شخص سے یہ فرماتے ہیں : اگر تم نے اپنی بیوی کو ایک یا دو طلاقیں دی ہیں تو نبی کریم نے مجھے یہ حکم دیا تھا، اگر تم نے تین طلاقیں دیدی ہیں تو اب وہ عورت تمہارے لیے اس وقت تک حلال نہیں ہوگی جب تک وہ دوسری شادی کرکے (مطلقہ یابیوہ) نہ ہوجائے تم نے اپنے پروردگار کی نافرمانی کی ہے۔