3912 ۔ نافع بن عجیر بیان کرتے ہیں : حضرت رکانہ بن عبدیزید (رض) نے اپنی بیوی، سہیمہ، کو طلاق بتہ دی پھر وہ نبی کریم (صلی اللہ علیہ وآلہ وسلم) کی خدمت میں حاضر ہوئے انھوں نے عرض کی : یارسول اللہ میں نے اپنی بیوی، سہیمہ ، کو طلاق بتہ دیدی ہے اللہ کی قسم میں نے اس کے ذریعے صرف ایک طلاق دینے کا ارادہ کیا تھا، نبی کریم (صلی اللہ علیہ وآلہ وسلم) نے حضرت رکانہ (رض) سے دریافت کیا :
اللہ کی قسم ! کیا تم نے صرف ایک ہی طلاق مراد لی تھی ؟ حضرت رکانہ (رض) نے عرض کی : اللہ کی قسم، میں نے صرف ایک ہی طلاق مراد لی تھی تو نبی کریم (صلی اللہ علیہ وآلہ وسلم) نے اس خاتون کو واپس بجھوادیا تھا۔
حضرت رکانہ (رض) نے اس خاتون کو دوسری طلاق حضرت عمر (رض) کے عہد خلافت میں اور تیسری طلاق حضرت عثمان (رض) کے عہد خلافت میں دی تھی۔