3951 ۔ حضرت رافع بن سنان (رض) کے بارے میں منقول ہے انھوں نے اسلام قبول کرلیا، ان کی بیوی نے اسلام قبول کرنے سے انکار کردیا، ان دونوں کی ایک بیٹی تھی ، جس کا نام عمیرہ تھا، اس عورت نے اس بچی کا مطالبہ کیا تو حضرت رافع (رض) نے انکار کردیا، وہ دونوں نبی کریم (صلی اللہ علیہ وآلہ وسلم) کی خدمت میں حاضر ہوئے نبی کریم (صلی اللہ علیہ وآلہ وسلم) نے اس خاتون سے فرمایا تم یہاں بیٹھ جاؤ، آپ نے حضرت رافع سے فرمایا تم یہاں بیٹھ جاؤ، پھر آپ نے فرمایا اب تم دونوں اس بچی کو بلاؤ، ان دونوں نے بلایا وہ بچی اپنی والدہ کی طرف مائل ہونے لگی، تو نبی کریم نے دعا کی، اے اللہ اسے ہدایت عطا کر، تو وہ بچی اپنے والد کی طرف مائل ہوگئی، تو انھوں نے اسے حاصل کرلیا، اور اپنے ساتھ لے گئے۔