4068 ۔ عقیل بن خالد بیان کرتے ہیں : سعید بن سلیمان نے اپنے والد کے حوالے سے اپنے داداحضرت زید بن ثابت (رض) کے بارے میں یہ بات نقل کی ہے کہ ایک مرتبہ حضرت عمر (رض) نے ان کے ہاں اندر آنے کی اجازت مانگی ‘ انھیں اجازت مل گئی (وہ اندر آئے تو دیکھا) ان کا سرایک کنیز کے ہاتھ میں ہے جوان کے بالوں کو کنگھی کررہی ہے ‘ حضرت زید (رض) نیاپناسرالگ کیا تو حضرت عمر (رض) نے فرمایا : اسے کنگھی کرنے دو۔ حضرت زید (رض) نے عرض کی : اے امیرالمومنین ! آپ مجھے پیغام بھجوا دیتے ‘ میں اپ کے پاس آجاتا ‘ تو حضرت عمر (رض) نے فرمایا : میں ایک کام سے آپ کے پاس آیاہوں ‘ میں دادا کے بارے میں حکم دریافت کرنے کے لیے آیا ہوں۔ تو حضرت زید (رض) نے کہا : نہیں ! اللہ کی قسم ! آپ کی اس بارے میں کیا رائے ہے ؟ تو حضرت عمر (رض) نے فرمایا : اس بارے میں کوئی وحی کا حکم تو ہے نہیں کہ ہم کسی اضافے یاکمی کے مرتکب ہوں ‘ یہ تو ایک ایسامعاملہ ہے جس میں تم نے اپنی رائے دینی ہے ‘ اگر میں اس کے بارے میں یہ سمجھوں گا کہ تمہاری رائے میری رائے کے مطابق ہے ‘ تو میں اس کو مان لوں گا ‘ ورنہ تم پر اس بارے میں کوئی الزام نہیں ہوگا ‘ لیکن حضرت زید (رض) نے اس بات کو تسلیم نہیں کیا تو حضرت عمر (رض) غصے کے عالم میں تشریف لے گئے ‘ آپ نے فرمایا : میں تویہاں اس لیے آیا تھا کہ تم میرا مسئلہ حل کردوگے ‘ اس کے بعد حضرت عمر (رض) دوبارہ حضرت زید (رض) کے پاس اسی وقت آئے جس وقت میں وہ پہلے دن آئے تھے اور ان کے ساتھ اس بارے میں گفت و شنید کرتے رہے تو حضرت زید (رض) نے کہا : میں اس بارے میں آپ کو کچھ لکھ کے دے دیتاہوں ‘ تو انھوں نے پالان کے ٹکڑے کے اوپر تحریر کرکے دیا اور اسے ایک مثال کے ذریعے واضح کیا ‘ اس کی مثال ایک درخت کی طرح ہے جو ایک ہی تنے کے اوپر اگتا ہے ‘ اس میں سے ایک ٹہنی نکلتی ہے ‘ پھر اس میں سے ایک اور ٹہنی نکلتی ہے ‘ وہ تنا اس ٹہنی تک پانی کو پہنچاتا ہے ‘ اگر پہلی ٹہنی کو کاٹ دیا جائے تو پانی اس ٹہنی کی طرف آجائے گا اور اگر دوسری کو کاٹ دیا جائے تو پانی پہلی والی ٹہنی کی طرف چلا جائے گا۔ حضرت عمر (رض) اسے لے کر آگئے تو انھوں نے لوگوں سے خطاب کیا اور انھیں اس ٹکڑے پر لکھی ہوئی تحریر سنائی ‘ پھر ارشاد فرمایا : زید نے دادا کے بارے میں جو بات کہی ہے میں اسے لاگوکرتاہوں۔
راوی بیان کرتے ہیں : حضرت عمر (رض) وہ پہلے دادا تھے جن کے ساتھ یہ صورت حال پیش آئی ‘ انھوں نے اس کا سارامال لے لیا ‘ یعنی اپنے پوتے کا مال لے لیا اور اس کی بہنوں کا (یعنی پوتیوں کا) مال نہیں لیا ‘ حضرت عمر (رض) نے اس کے بعد اس مال کو تقسیم کروادیا تھا۔