4070 ۔ یونس بن یزید بیان کرتے ہیں کہ میں نے زہری سے ایسے شخص کی وراثت کے بارے میں دریافت کیا جس کے پس ماندگان میں ایک دادا اور سگے بہن بھائی ہوتے ہیں۔
زہری بتایا : سعید بن مسیب ‘ عبیداللہ بن عبداللہ اور قبیصہ بن ذؤیب نے یہ بات بیان کی ہے کہ حضرت عمر (رض) نے یہ فیصلہ دیا تھا ‘ داداسگے بہن بھائیوں اور باپ کی طرف سے شریک بہن بھائیوں کے ساتھ حصہ دار ہوگا جبکہ ایک تہائی مال میں سے مقاسمت کے اس کے حق میں بہتر ہو ‘ اگر بہن بھائیوں کی تعداد زیادہ ہو ‘ تو داداکو ایک تہائی حصہ دے دیا جائے گا اور باقی سب بہن بھائیوں کو ایک مذکرکاحصہ دومؤنث کے برابر کے حساب سے دیا جائے گا ‘ انھوں نے یہ فیصلہ بھی دیا تھا ‘ سگے بہن بھائی صرف باپ کی طرف سے شریک بہن بھائیوں سے زیادہ حق رکھتے ہیں ‘ خواہ وہ مذکرہوں یامؤنث ہوں ‘ البتہ اگر باپ کی طرف سے شریک بہن بھائی ‘ سگے بہن بھائیوں کے ساتھ موجودہوں تو انھیں بھی ان کا حصہ ملے گا۔ البتہ باپ کی طرف سے شریک بہن بھائی سگے بہن بھائیوں کے ہمراہ کچھ حاصل نہیں کریں۔ ماسوائے اس صورت کے جب باپ کی طرف سے شریک بھائی سگی بہنوں کی طرف (وراثت کو) لوٹادیں اور سگی بہنوں کے فرض حصے کے بعد اگر کچھ باقی رہ جائے گا تو وہ باپ کی طرف سے شریک بھائیوں کو ایک مذکرکے لیے دومؤنث کے برابر حصے کے اصول کے تحت مل جائے گا۔