4089 ۔ حضرت ابوکبشہ انماری (رض) بیان کرتے ہیں کہ جب نبی اکرم (صلی اللہ علیہ وآلہ وسلم) نے مکہ کو فتح کیا (یعنی اس پر حملہ کیا) تو حضرت زبیر (رض) بائیں حصے کے نگران تھے جبکہ حضرت مقداد (رض) دائیں حصے کے نگران تھے ‘ جب نبی اکرم (صلی اللہ علیہ وآلہ وسلم) مکہ تشریف لائے اور لوگوں کی رہنمائی کی تو اسی دوران یہ دونوں حضرات اپنے سواروں کو ساتھ لے کر آئے تو نبی اکرم (صلی اللہ علیہ وآلہ وسلم) کھڑے ہوگئے ‘ آپ (صلی اللہ علیہ وآلہ وسلم) نے ان دونوں سے غبار ہٹایا اور فرمایا : میں گھوڑے کے دوحصے اور سوار کے لیے ایک حصہ مقررکرتاہوں ‘ جو شخص ان میں کمی کرے گا ‘ اللہ تعالیٰ اسے کمی دے گا۔