4106 ۔ حضرت مجمع بن جاریہ (رض) بیان کرتے ہیں کہ غزوہ حدیبیہ کے موقع پر میں نبی اکرم (صلی اللہ علیہ وآلہ وسلم) کے ساتھ شریک تھا ‘ جب ہم وہاں سے واپس ہوئے تو لوگ اپنے اونٹوں کو دوڑانے لگے۔ بعض لوگوں نے دوسروں سے دریافت کیا : ان لوگوں کو کیا ہوا ہے ‘ یہ نبی اکرم (صلی اللہ علیہ وآلہ وسلم) کی طرف جارہے ہیں ؟ ہم نکلے ‘ ہم نے نبی اکرم (صلی اللہ علیہ وآلہ وسلم) کو ” کراع الغمیم “ کے مقام پر ٹھہرے ہوئے پایا ‘ آپ کی طرف جانے والے کچھ لوگ جب وہاں اکٹھے ہوگئے تو آپ (صلی اللہ علیہ وآلہ وسلم) نے یہ آیت تلاوت کی :” بیشک ہم نے تمہیں واضح فتح عطاء کی ہے “۔
راوی بیان کرتے ہیں : تو نبی اکرم (صلی اللہ علیہ وآلہ وسلم) کے اصحاب میں سے ایک صاحب نے یہ دریافت کیا : کیا یہ فتح ہے ؟ تو نبی اکرم (صلی اللہ علیہ وآلہ وسلم) نے ارشاد فرمایا : جی ہاں ! اس ذات کی قسم ! جس کے وست قدرت میں میری جان ہے ! یہ فتح ہے۔
راوی بیان کرتے ہیں : پھر غزوہ حدیبیہ میں شریک ہونے والے میں غزوہ خیبر کا مال تقسیم کیا گیا۔ اس کے اٹھارہ حصے کیے گئے ‘ لشکر کی تعدادپندرہ سو تھی ‘ جن میں سے تین سوگھڑسوار تھے توگھڑسواروں کو دو ‘ دوحصے دیئے گئے اور پیادہ لوگوں کو ایک ‘ ایک حصہ دیا گیا۔