4128 ۔ حضرت عبداللہ بن عمر (رض) بیان کرتے ہیں کہ غزوہ آحد کے دن مجھے نبی اکرم (صلی اللہ علیہ وآلہ وسلم) کے سامنے پیش کیا گیا ‘ اس وقت میری عمرچودہ برس تھی ‘ آپ نے مجھے شرکت کی اجازت نہیں دی ‘ آپ نے مجھے بالغ نہیں سمجھا تھا ‘ پھر غزوہ خندق کے موقع پر مجھے آپ کے سامنے پیش کیا گیا ‘ میری عمر اس وقت پندرہ سال تھی تو آپ نے مجھے شرکت کی اجازت دی۔
راوی بیان کرتے ہیں : میں نے حضرت عمربن عبدالعزیز (رح) کو اس بارے میں بتایا تو انھوں نے اپنے سرکاری اہلکاروں کو خط لکھا کہ وہ تنخواہ صرف اس شخص کو اداکریں جو پندرہ سال کا ہوچکا ہو۔
حضرت عمربن عبدالعزیز (رح) کا یہ معمول تھا کہ انھوں نے پندرہ سال کے لڑکے کے لیے ایک سو درہم تنخواہ مقرر کی تھی۔ یہ روایت ایک اور سند کے ہمراہ منقول ہے۔