4130 ۔ حضرت عبداللہ بن عباس (رض) بیان کرتے ہیں کہ غزوہ احد کے دن نبی اکرم (صلی اللہ علیہ وآلہ وسلم) نے حضرت حمزہ (رض) کے بارے میں حکم دیا ‘ ان کی میت کو قبلہ کی سمت میں رکھ دیا گیا ‘ پھر ان پر سات تکبیریں کہی گئیں ‘ پھر دیگر شہداء کو بھی ان کے آس پاس جمع کردیا گیا یہاں تک کہ آپ (صلی اللہ علیہ وآلہ وسلم) نے ان پر ستر مرتبہ نماز ادا کی ‘ جب نبی اکرم (صلی اللہ علیہ وآلہ وسلم) نے حضرت حمزہ (رض) کو ملاحظہ کیا کہ ان کی بےحرمتی کی گئی ہے ‘ تو ارشاد فرمایا : اگر میں نے قریش پر قابو پالیا تو میں ان کے تیس آدمیوں کے اسی طرح ٹکڑے ٹکڑے کردوں گا۔
تو اللہ تعالیٰ نے یہ آیت نازل کی :
” اگر انھوں نے تمہیں سزادی ہے ‘ تو تم بھی ان کے ساتھ وہی سلوک کروجوتمہارے ساتھ کیا گیا ہے “۔ اس روایت کا راوی عبدالعزیز بن عمران ضعیف ہے۔