4162 ۔ حضرت عبداللہ بن عباس (رض) بیان کرتے ہیں کہ نبی اکرم (صلی اللہ علیہ وآلہ وسلم) نے یہ بات ارشاد فرمائی ہے : جب کوئی کنیز اپنے آقا کے بچے کو جنم دیتی ہے ‘ تو جب وہ آقافوت ہوجائے تو وہ کنیز آزاد ہوتی ہے ‘ البتہ اگر آقا اپنے انتقال سے پہلے اسے آزادکردے (تو حکم مختلف ہوگا) ۔
حضرت عبداللہ بن عباس (رض) بیان کرتے ہیں : جب سیدہ ماریہ قبطیہ (رض) نے نبی اکرم (صلی اللہ علیہ وآلہ وسلم) کے صاحبزادے حضرت ابراہیم (رض) کو جنم دیاتو نبی اکرم (صلی اللہ علیہ وآلہ وسلم) نے ارشاد فرمایا : اس کے بچے نے اسے آزاد کروادیا ہے۔