ابوظریف ہمدانی بیان کرتے ہیں : ایک مرتبہ ہم حضرت علی (رض) کے ہمراہ کھلے میدان میں موجود تھے، حضرت علی (رض) اس میدان کے کنارے تک تشریف لے گئے اللہ کی قسم ! مجھے یہ پتہ نہیں ہے، انھوں نے پیشاب کیا کہ پاخانہ کیا، انھوں نے پانی کا برتن منگوایا، پھر انھوں نے اپنے دونوں ہاتھوں کو دھویا اور پھر ان دونوں کو جوڑ کر قرآن کا ابتدائی حصہ تلاوت کیا اور پھر یہ فرمایا :
تم لوگ قرآن کی تلاوت اس وقت تک کرسکتے ہو جب تک کسی شخص کو جنابت لاحق نہ ہو، اگر اسے جنابت لاحق ہوجائے تو پھر وہ اس کا ایک لفظ بھی نہیں پڑھ سکتا۔
یہ روایت حضرت علی (رض) سے مستند طور پر منقول ہے۔