4188 ۔ حضرت عبداللہ بن عمر (رض) بیان کرتے ہیں کہ نبی اکرم (صلی اللہ علیہ وآلہ وسلم) نے یہ بات ارشاد فرمائی ہے : مدبر غلام کو فروخت نہیں کیا جاسکتا ‘ اسے ہبہ نہیں کیا جاسکتا ‘(میت کے) ایک تہائی مال میں سے وہ آزادشمار ہوگا۔
اس روایت کو صرف عبیدہ بن حسان نامی راوی نے سند کے ساتھ نقل کیا ہے اور یہ راوی ضعیف ہے۔ یہ روایت حضرت عبداللہ بن عمر (رض) کے حوالے سے ” موقوف “ روایت کے طورپر یعنی ان کے اپنے قول کے طورپر منقول ہے۔