4207 ۔ سیدہ امیمہ بنت رقیقہ (رض) بیان کرتی ہیں : ہم لوگ بیعت کرنے کے لیے نبی اکرم (صلی اللہ علیہ وآلہ وسلم) کی خدمت میں حاضر ہوئیں ‘ ہم نے عرض کی : یارسول اللہ ! ہم آپ کے دست اقدس پر اس بات کی بیعت کرتی ہیں کہ ہم کسی کو اللہ تعالیٰ کا شریک نہ ٹھہرائیں گی ‘ ہم چوری نہیں کریں گی ‘ ہم زنا نہیں کریں گی اور اپنی اولاد کو قتل نہیں کریں گی اور اپنی طرف سے بنا کر کسی پر جھوٹا الزام نہیں لگائیں گی اور کسی بھی نیکی کے کام میں آپ کی نافرمانی نہیں کریں گی ‘ تو نبی اکرم (صلی اللہ علیہ وآلہ وسلم) نے ارشاد فرمایا : اس حدتک جس کی تمہیں استعطاعت ہو اور جس کی تمہیں طاقت ہو۔ ہم نے عرض کی : اللہ اور اس کے رسول ہمارے بارے میں ہماری اپنی ذات سے زیادہ رحم کرنے والے ہیں۔ یارسول اللہ ! اپنا دست اقدس آگے کیجئے تاکہ ہم آپ کی بیعت کرلیں۔ نبی اکرم (صلی اللہ علیہ وآلہ وسلم) نے ارشاد فرمایا : میں خواتین کے ساتھ مصافحہ نہیں کرتا ‘ ایک سوخواتین کے ساتھ بھی میں اس طرح کلام کرتا ہوں جس طرح ایک عورت کے ساتھ کرتا ہوں۔ (یہاں پر ایک لفظ کے بارے میں راوی کو شک ہے)