4269 ۔ حضرت عبداللہ بن عباس (رض) بیان کرتے ہیں : تمیم داری اور عدی بن بداء تجارت کے لیے مکہ آیا جایا کرتے تھے ‘ اسی دوران بنوسہم قبیلے سے تعلق رکھنے والاایک شخص جارہا تھا ‘ اس کا انتقال ایسی جگہ پر ہوگیا جہاں کوئی مسلمان نہیں رہتا تھا ‘ اس نے مرتے وقت ان دونوں کو وصیت کی کہ وہ اس کا مال اس کے گھروالوں تک پہنچادیں ‘ ان لوگوں نے اس میں سے چاندی کا یاک پیالہ روک لیا ‘ جس پر سونے کا کام کیا گیا تھا۔ جب یہ مقدمہ نبی اکرم (صلی اللہ علیہ وآلہ وسلم) کی خدمت میں پیش ہوا تو آپ (صلی اللہ علیہ وآلہ وسلم) نے انھیں قسم اٹھانے کے لیے کہا اور فرمایا : تم اللہ کے نام کی قسم اٹھاکریہ بات کہو کہ تم نے اس میں سے کچھ بھی نہیں چھپایا ہے اور تمہیں اس کے بارے میں کوئی علم بھی نہیں ہے۔
اس کے بعد مکہ میں وہ پیالہ مل گیا تو جس شخص کے پاس سے ملا ‘ اس نے بتایا کہ میں نے یہ عدی بن بداء اور تمیم سے خریدا ہے ‘ تو سہم قبیلے سے تعلق رکھنے والے اس شخص کے وارثوں میں سے دو آدمی آگئے ‘ انھوں نے یہ قسم اٹھائی کہ یہ پیالہ سہم قبیلے کے اس شخص کا ہے اور ہم دونوں کی گواہی ان کی گواہی کے مقابلے میں زیادہ سچی ہے ‘ ہم نے کوئی زیادتی نہیں کی ہے ‘ ورنہ ایسی صورت میں ہمیں ظالم شمار کیا جائے ‘ چنانچہ ان وارثوں نے وہ پیالہ حاصل کرلیا اور ان کے بارے میں یہ آیت نازل ہوئی :