4288 ۔ حضرت ابوہریرہ (رض) بیان کرتے ہیں : ایک خاتون نبی اکرم (صلی اللہ علیہ وآلہ وسلم) کی خدمت میں حاضر ہوئی ‘ اس نے عرض کی : فلاں شخص نے شادی کرلی ہے ‘ جبکہ میں نے ان دونوں میاں بیوی کو دودھ پلایا ہے۔ نبی اکرم (صلی اللہ علیہ وآلہ وسلم) نے دریافت کیا : تم نے ان دونوں کوکب دودھ پلایا تھا ؟ تو اس خاتون نے جواب دیا : میں نے اس بچی کو اس وقت دودھ پلایا تھا جب وہ ساڑھے چھ سال کی تھی اور بچے کو اس وقت دودھ پلایاتھاجب وہ تین سال کا تھا۔ تو نبی اکرم (صلی اللہ علیہ وآلہ وسلم) نے ارشاد فرمایا کہ تم جاؤ اور اس سے کہہ دو کہ اپنی بیوی کے ساتھ خوشی خوشی رہے کیونکہ دودھ پلانے کی عمر کے بعد رضاعت کا حکم ثابت نہیں ہوتا ‘ وہ رضاعت حرمت ثابت کرتی ہے جو اس وقت ہو جب بچہ گود میں ہوتا ہے۔