4299 ۔ سیدہ زینب بنت ابوسلمہ (رض) بیان کرتی ہیں : سیدہ اسماء بنت ابوبکر (رض) نے مجھے دودھ پلایا تھا ‘ اس لیے (سیدہ اسماء کے شوہر) حضرت زبیر (رض) میرے ہاں ایسے وقت میں بھی آجایا کرتے تھے جب میں کنگھی کررہی ہوتی تھی ‘ وہ میرے بال پکڑ کر مجھ سے کہا کرتے تھے : ادھر میرے پاس آؤ اور میرے ساتھ بات کرو۔ سیدہ اسماء (رض) سمجھتی تھیں کہ وہ میرے والد ہیں اور سیدہ اسماء کے بچے میرے بھائی ہیں۔
اس کے بعد واقعہ جرہ سے کچھ پہلے عبداللہ بن زبیر (رض) نے (جو میرے رضاعی بھائی تھے) اپنے بیٹے حمزہ کے لیے میری بیٹی کا رشتہ مانگا۔ حمزہ اور مصعب یہ دونوں فلاں عورت کے بیٹے تھے۔ سیدہ زینب (رض) بیان کرتی ہیں : انھوں ن ے عبداللہ زبیر (رض) کو پیغام بھیجا کہ کیا ایسا کرنا درست ہوگا ‘ تو عبداللہ بن زبیرنے مجھے جواب میں پیغام بھیجا کہ کیا تم اپنی بیٹی کا رشتہ دینے سے انکار کرنا چاہتی ہو ؟ میں تمہارا بھائی ہوں اور سیدہ اسماء (رض) کے بچے تمہارے بھائی ہیں ‘ لیکن حضرت زبیر کی وہ اولاد جو سیدہ اسماء (رض) کے علاوہ دوسرے بچوں سے ہے وہ تمہارے بہن بھائی نہیں ہیں۔ سیدہ زینب (رض) بیان کرتی ہیں : جب انھوں نے یہ پیغام بھیجا تو اس وقت نبی اکرم (صلی اللہ علیہ وآلہ وسلم) کے بہت سے صحابہ کرام بھی موجود تھے اور امہات المومنین بھی موجود تھیں ‘ انھوں نے یہ بات بیان کی کہ رضاعت مرد کی طرف سے کسی چیز کی حرمت کو ثابت نہیں کرتی۔